Труп на човек бил пронајден во водите на реката Вардар кај Демир Капија, телото било предадено на обдукција, соопштија денеска од Секторот за внатрешни работи – Велес.
– Вчера околу 15:30 часот во ОВР – Неготино е пријавено дека во водите на реката Вардар, под мостот на општински пат село Корешница – Демир Капија бил пронајден човечки леш во фаза на распаѓање, кој бил изваден од екипа на Територијална противпожарна единица – Неготино. По овластување на јавен обвинител, увид на местото извршила увидна екипа од ОВР – Неготино. По наредба на јавен обвинител, телото е предадено на обдукција, информираа од СВР – Велес.
