Силно невреме со грмежи и обилен град попладнево ги погоди деловите на Херцеговина. Најпогодени се подрачјата на Широки Бријег и Груде, каде за многу кратко време падна огромно количество град.
Сообраќајот беше во целосен прекин или се одвиваше со големи потешкотии. Локалните медиуми пренесуваат снимки на кои се гледа како патиштата се прекриени со слој мраз, додека возачите биле принудени да ги запрат своите возила поради екстремно намалената видливост и лизгавиот коловоз.
