Меѓународната агенција за енергија (ИЕА) денеска објави извештај во кој се наведени низа итни мерки што владите, компаниите и домаќинствата можат да ги спроведат за да го намалат притисокот врз потрошувачите поради прекините во снабдувањето со нафта предизвикани од војната на Блискиот Исток, вклучително и префрлање на работа од дома секогаш кога тоа е можно.
Новиот извештај издвојува десет мерки што можат брзо да се спроведат, првенствено во патниот сообраќај, кој сочинува околу 45 проценти од глобалната побарувачка за нафта, но исто така и во авиосообраќајот и индустријата.
ИЕА, исто така, предвидува намалување на максималната дозволена брзина на автопатите за најмалку 10 километри на час, поголема употреба на јавниот превоз, како и ограничување на пристапот до приватни автомобили во големите градови преку системот за ротација на таблички.
