Државниот завод за ревизија извршил ревизија на финансиските извештаи заедно со ревизија на усогласеност на Државен инспекторат за градежништво и урбанизам за 2024 година со која, меѓудругото, констатира слабости во процесот на вршење попис на средства и изворите на средства, неизвршена процена на пазарната вредност на градежните објекти, како и слабости во процесот на пресметка и исплата на плата.
Исто така, ДЗР констатирал несоодветен начин на организација на инспекцискиот надзор од областа на урбанизмот и недоставени шестмесечни извештаи за податоците што се однесуваат на постапувањето по претставките и предлозите.
Од Државниот завод за ревизија информираат дека нагласени била прашањата што од 2018 година функцијата директор на ДИГУ ја вршат вршители на должност подолго од законски дозволениот рок од шест месеци, што, според Заводот, создава ризик раководењето со ДИГУ да биде извршувано од страна на лица кои не ги исполнуваат законски дефинираните услови.
Било укажано на слабости во процесот на меѓусебна соработка и координација на органите при постапување по претставки и предлози, како и сериозен недостиг на инспектори во ДИГУ што може да доведе до намалена можност за ефикасен инспекциски надзор во областа на градежништвото и урбанизмот.
