Во раните утрински часови денеска, околу 04:05 часот, во Полициското одделение Матејче било пријавено опожарување на патничко возило во селото Ропаљце, општина Липково.
Како што соопшти полицијата, Џ.Е. (25) од Скопје пријавил дека пред неговата куќа две лица со запалива течност предизвикале пожар во неговото возило „БМВ“ со скопски регистарски ознаки.
Според пријавата, сопственикот успеал сам да го изгасне пожарот, при што нема повредени лица.
Увид на местото на настанот извршила екипа од СВР Куманово, а полицијата презема мерки за расчистување на случајот и откривање на сторителите.
