Иранската револуционерна гарда денес соопшти дека го контролира Ормутскиот теснец, клучен превозен пат за нафта и гас, и дека секој брод што се обидува да помине низ водниот пат ризикува штета од ракети или залутани дронови.
„Моментално, Ормутскиот теснец е под целосна контрола на морнарицата на Исламската Република“, изјави Мохамад Акбарзаде, официјален претставник на морнарицата на Револуционерната гарда, во соопштение објавено од новинската агенција Фарс.
Американскиот претседател Доналд Трамп вчера изјави дека американската морнарица е подготвена да ги придружува танкерите со нафта низ клучната бродска рута во Заливот.
