На 19.02.2026 во 13:15 часот на магистрален пат Кичево – Гостивар, полициски службеници од ОВР Кичево го лишија од слобода Ф.З.(27) од селото Длапкин Дол, кичевско.
При контрола во патниот сообраќај, полициските службеници сопреле патничко возило „ауди” со кичевски регистарски ознаки, кое го управувал Ф.З. и по преземени мерки било констатирано дека го управувал возилото, без претходно положен возачки испит.
Возилото е одземено и по целосно документирање на случајот против него ќе биде поднесена соодветна пријава.
