Претседателот на Република Србија, Александар Вучиќ, изрази загриженост поради, како што тврди, новоформираниот воен сојуз во регионот насочен против српските интереси
Според него, соработката меѓу Албанија, Хрватска и Косово не е само техничка, туку претставува стратешка алијанса насочена против српските интереси.
Вучиќ потенцираше дека е особено симптоматично учеството на Приштина во овој сојуз, со оглед на тоа што таа не е членка на НАТО, за разлика од Тирана и Загреб.
-Ова е воен сојуз кој е создаден за одбрана или офанзивни дејствија против одредени територии. Имаме значајни разузнавачки информации за нивните планови и правци на дејствување – нагласи Вучиќ.
