Шпанија ќе забрани употреба на социјални мрежи за малолетни лица под 16 години. Платформите ќе воведат системи за проверка на возраста.
„Нашите деца се изложени на простор каде што никогаш не требало да се движат сами. Повеќе нема да го прифатиме тоа. Ќе ги заштитиме од дигиталниот див запад“, рече премиерот на Шпанија.
Австралија во декември стана првата земја која воведе слична забрана за деца под 16 години, а други земји како Велика Британија, Данска и Франција ја следат оваа практика. Санчес посочи дека Шпанија со ова се приклучува на „коалицијата на дигитално подготвените“ за координација на прекугранична регулатива, без да открие кои други земји се членки.
Дополнително, Шпанија следната недела ќе предложи закон со кој раководителите на социјалните мрежи ќе бидат повикани на одговорност за нелегална содржина и говор на омраза, а ќе се криминализираат и алгоритамската манипулација и засилувањето на такви содржини.
