Одделот за внатрешна контрола при МВР поднесе кривична пријава против А.Ј., полициски службеник во ПС ОН Ѓорче Петров, поради сомнение за оддавање на службена тајна, според член 360 од Кривичниот законик. На 20.12.2025, управител на угостителски објект пријавил кривични дела „оштетување на туѓи предмети“ и „изнуда“.
Полицискиот службеник доби видео запис од безбедносни камери во врска со пријавата и преку „Инстаграм“ го направи достапен на лице кое издржува казна затвор за „изнуда“. МВР најави дека против А.Ј. ќе биде поведена дисциплинска постапка, која вклучува одземање на службеното оружје и муниција, задолжителен психолошки и психијатриски преглед и суспензија од работното место до завршување на постапката.
