Патнички воз со 291 патник беше погоден од руски дрон во регионот Харков, при што двајца се повредени, соопшти украинскиот вицепремиер Олексиј Кулеба. Тој го нарече нападот „директен чин на руски терор“. Според Кулеба, три дронови „Шахед“ погодија точка пред локомотивата и еден од вагоните, предизвикувајќи пожар. Патниците беа евакуирани, а повредените се хоспитализирани.
На терен се сите служби за итни случаи, спасувачи и тим од Украинската железница, додека организирани се и итни автобуси за другите патници. Претходно истиот ден, руските сили извршија напад со дронови во Сумската област, при што загинаа две лица кои се обидуваа да се евакуираат од окупираната територија.
