Кинеското Министерство за надворешни работи денеска изјави дека т.н. закана од Кина не постои, како одговор на соопштението на НАТО дека преговорите со САД за Гренланд имаат цел да обезбедат Русија и Кина никогаш да немаат пристап до арктичкиот остров.
„Кина се спротивставува на практиката да се прави нешто од ништо и да се користи Кина како изговор за себична добивка“, изјави портпаролот на кинеското Министерство за надворешни работи, Гуо Џијакун, на прес-конференција, очигледно осврнувајќи се на намерата на американскиот претседател Доналд Трамп да воспостави контрола врз Гренланд.
„Ни треба Гренланд за нашата национална безбедност. Ако го погледнете Гренланд, ќе видите руски и кинески бродови по должината на брегот. Ни треба за национална безбедност. Мора да го имаме“, рече Трамп кон крајот на минатата година.
