Утре, 19 јануари, православните верници го празнуваат Богојавление, денот кога Исус Христос се крстил во реката Јордан и се открила Светата Троица. Празникот, познат и како „Просветление“, симболизира духовно прочистување и станување деца на Светлината. Според традицијата, на овој ден се избегнуваат кавги, лоши мисли и перење облека. Осветената вода од црквата се користи за здравје и чистење на домот, а отворањето прозорец на полноќ носи Божји благослов.
Денот е поврзан со милосрдие помагањето на другите носи среќа и заштита. Централниот обичај е скокањето по светиот крст во студената вода, што го симболизира прочистувањето и обновата на верникот. Според народните верувања, многу студено време на Богојавление е знак за здрава и плодна година, додека снегот најавува бериќет и добра жетва.
