Соопштение за јавност на ВМРО-ДПМНЕ:
Петар Ристески, пратеник во Собранието од ВМРО-ДПМНЕ, беше гостин во синоќешната емисија Анализа на телевизија 24, каде се осврна на темата за лидерската средба која се одржа вчера, и на која присуствуваа лидерите на сите политички партии, освен СДС, а која беше свикана од страна на претседателот на ВМРО-ДПМНЕ и претседател на Владата. Како што кажа тој, местото на лидерот на опозициска СДС беше исто така на таа маса, затоа што во државата е потребна конструктивна опозиција, а доколку СДС е сериозна партија, според него, нема да си дозволи да води ваква деструктивна политика.
,,Мене ми е драго што денес видовме конечно една ваква конструктивна средба, видовме кога сите лидери на параламентарните политички партии седнаа, освен СДС, на иста маса и покажаа дека во Република Македонија може да се отвори нормален дијалог, нормална дебата по важни политички и економски прашања. Мислам дека ова е вистинскиот начин, тоа го кажа и претседателот на Владата, дека овие средби ќе продолжат, ќе продолжи да се разговара по сите клучни прашања во државата“, истакна Ристески.
Тој смета дека многу е важно, тоа што сите лидери на политичките партии беа повикани на разговор, а местото на претседателот на СДС требаше да биде на таа маса доколку, како што вели Ристески, е сериозен лидер.
,,Местото денес на претседателот на СДС, ако е сериозна политичка партија и сериозен лидер, беше заедно на масата со сите политички лидери, да го искаже своето задоволство, незадоволство, да предложи законски решенија, како што тоа го направија и другите лидери на политичките партии“, посочи Ристески и додаде:
,,Сите политички партии, но и сите политички аналитичари, независни, кажаа дека на СДС местото денес беше на таа маса, бидејќи само СДС како сериозна политичка партија не смее да си дозволи ваква деструктивност“.
