Поради најавени зафати на електродистрибутивната мрежа, утре (19 декември 2025 година) ќе има привремен прекин на електроснабдувањето во делови од Тетово и во едно село во тетовскиот регион.
Струја нема да има во периодот од 9 до 14 часот на улицата 114 кај СИЗ во Тетово. Во истиот временски интервал, без електрична енергија ќе останат и одредени објекти во селото Доброште, и тоа во околината на старата џамија. Надлежните служби посочуваат дека прекинот е планиран и е дел од активностите за унапредување на стабилноста и безбедноста на електроснабдувањето.
