ЕУ ќе ги укине санкциите наметнати на Косово во 2023 година поради тензиите на северот на земјата и ќе ја одблокира финансиската помош, потврди претседателката на Европската комисија, Урсула фон дер Лајен.
„Добри вести за Косово“, објави Фон дер Лајен на социјалната мрежа Икс.
„Планираме 216 милиони евра (околу 227 милиони долари) финансиска помош и имаме намера да ослободиме дополнителни 205 милиони евра (околу 216 милиони долари) на почетокот на следната година“.
Одлуката за укинување на мерките доаѓа откако градоначалници од српска националност ја презедоа должноста по локалните избори одржани во октомври.
