Царинските службеници пронајдоа над 11.270 дијаманти во рачниот багаж на патник на аеродромот во Франкфурт, Германија.
Дијамантите биле скриени под лажно дно во торбата. Вредноста на суровите дијаманти мора да биде утврдена од експерт, пренесе ДПА.
Мажот (53) кој долетал од Ангола во Франкфурт, бил уапсен и притворен во истражен затвор. Тој не ги пријавил дијамантите при влезот како што е потребно, а исто така не можел да приложи ниту неопходен сертификат.
