Соопштение на Партија за движење на Турците – ТХП:
По локалните избори одржани на 19 октомври 2025 година, објавено е дека во четири општини изборите ќе се повторуваат на 11 јануари 2026 година поради недоволна излезеност на гласачите. Во меѓувреме, сериозна загриженост предизвикува фактот што назначувањето на повереници за овие општини се врши исклучиво врз основа на политички одлуки, без јасни и транспарентни критериуми или правни основи.
Нашата земја е изградена врз демократски вредности кои подразбираат плурализам, одговорност и почитување на правната држава. Обезбедувањето функционални, фер и слободни изборни процеси е клучен предуслов за стабилноста и довербата во институциите. Во отсуство на законска регулатива што би спречила назначените повереници да се кандидираат за градоначалници, се отвора простор за злоупотреби, ограничување на демократските права и отстапување од европските стандарди.
Искуствата од други држави каде што се применува управување преку повереници покажуваат дека ваквите практики можат да доведат до зголемени ризици од авторитарни тенденции. Тоа директно го нарушува очувувањето на партиципативната демократија и го отежнува процесот на интеграција на нашата земја во Европската Унија.
Поради сето наведено, повикуваме итно да се донесе ефективно законско решение со кое на назначените повереници ќе им се забрани кандидатура за градоначалници во општините каде што привремено управуваат. Само со јасни правила, транспарентност и одговорност можеме да ги заштитиме демократските процеси и да обезбедиме фер и европски усогласени избори.
