Американски сојузен судија во Њујорк одобри Министерството за правосудство да ги објави записите од големата порота поврзани со случајот за трговија со луѓе против Џефри Епштајн од 2019 година, јави „Би-би-си“.
Одлуката на судијата Ричард Берман ги поништува неговите претходни насоки материјалот да остане таен и се темели на новиот Закон за транспарентност на документите за Епштајн, кој го обврзува Министерството да ги објави документите до следната недела.
Епштајн беше обвинет за трговија со луѓе во јули 2019 година, а еден месец подоцна почина во затвор во Њујорк додека го чекаше судењето. Законот потпишан минатиот месец од американскиот претседател Доналд Трамп бара објавување на сите некласифицирани истражни материјали за Епштајн, вклучувајќи документи и комуникации.
