Претседателката Гордана Сиљановска-Давкова порача дека, покрај формалната, потребна е реална заштита на жените од насилство, на јавната расправа за имплементацијата на Истанбулската конвенција. Таа истакна дека извештајот на Државниот завод за ревизија открива системски недостатоци и препорача итно донесување на Националната стратегија 2026–2033, проширување на мрежата на засолништа, обезбедување долгорочна финансиска поддршка, воведување стандарди во услугите на социјалните центри, вработување стручен кадар и побрзо лиценцирање на СОС линиите.
Сиљановска-Давкова истакна дека психосоцијалниот третман е потребен и за жртвите и за сторителите, а казнената политика во однос на семејното насилство и фемицидот мора да се заостри.
Таа предупреди дека институционалната дисфункционалност оставa жени незаштитени во критички моменти и ја продлабочува недовербата во системот. На седницата учествуваа претставници од државни институции, граѓански сектор и меѓународни организации, како и високи функционери од Собранието и Министерството за социјална политика.
