Фетаи ќе оствари средби на високо ниво со претставници на американските институции, со претставници од системот на Обединетите Нации, како и со истакнати претставници на албанската заедница од Северна Македонија кои живеат и придонесуваат во САД.
Тој е веќе во повеќедневна официјална посета на Њујорк и Вашингтон. На конференцијата, Фетаи ќе ги презентира искуствата и заложбите на Владата на Република Северна Македонија во борбата против корупцијата, како и напорите за унапредување на транспарентноста и отчетноста.
Фетаи ќе присуствува на манифестациите организирани од албанските здруженија во Њујорк по повод ноемвриските празници. Предвидени се и други работни средби насочени кон продлабочување на билатералната соработка и меѓународна промоција на реформите во областа на доброто владеење, владеењето на правото и зајакнувањето на институционалниот интегритет.
