Возачите на Мекларен, Ландо Норис и Оскар Пјастри, се соочуваат со дисквалификација по Големата награда на Лас Вегас. Двајцата возачи се соочуваат со казни поради технички проблеми со нивните автомобили.
Норис заврши втор на трката, додека Пјастри беше четврти.
Техничкиот делегат на Меѓународната федерација за автомобили (ФИА), Џо Бауер, објави официјален документ по инспекцијата на автомобилите на тимот.
– Абењето на заштитните плочи на автомобилите 81 и 4 беше проверено. Максималното лизгање беше измерено на двата автомобили во согласност со документите доставени од тимот во согласност со TD039 M, став 1.2 б) i). Измерената дебелина на двата автомобили беше помала од 9 mm, што е минималната дебелина потребна според член 3.5.9 д). Го упатувам ова прашање до стјуардите, напиша Бауер во соопштението.
Конечната одлука за овој случај ќе ја донесат стјуардите на трката.
Норис е лидер во поредокот на возачи во шампионатот на Формула 1 со 408 поени, додека Пјастри е втор со 378 поени. Доколку возачите бидат дисквалификувани, Британецот ќе остане прв со 390 поени, додека Пјастри ќе биде изедначен со Макс Верстапен од Ред Бул, кој е трет, со 366 бода.
