Основното јавно обвинителство Кочани соопшти дека ќе поднесе жалба на одлуката на судот со која на двајцата вработени во Управата за јавни приходи, осомничени за коруптивни кривични дела поврзани со работата на клубот „Пулс“, им беше определена мерка куќен притвор.
Во писмениот одговор од обвинителството се наведува дека одлуката е примена и дека ќе биде искористено правото на жалба:
„Јавното обвинителство ја прими одлуката за куќен притвор на двата осомничени и ќе поднесе жалба,“ се вели во краткото соопштение од ОЈО Кочани.
Случајот предизвика значителна јавна реакција, а обвинителството најави дека ќе продолжи со сите потребни дејствија за целосно расчистување на предметот.
