Портпаролката на руското Министерство за надворешни работи Марија Захарова изјави дека Москва не планира да го нападне НАТО, но предупреди дека на секој напад од Алијансата ќе одговори со сите достапни средства.
Таа коментирајќи ја изјавата на германски генерал за подготвеноста на НАТО за војна со Русија, истакна дека претставниците на Алијансата секојдневно водат „координирана кампања на психолошка подготовка на населението за судир, користејќи ја Русија како жртвено јагне за внатрешни проблеми“.
– Доколку меѓу стратезите на НАТО се појави таква луда идеја, напад врз нашата земја, тие не треба да се сомневаат дека ќе одговориме користејќи ги сите расположливи средства. Руското раководство редовно го ова го кажува, посочи Захарова.
Таа додаде дека „Русија е подготвена за секакво сценарио и секогаш дава приоритет на мирот, пријателството и еднаквата соработка“.
