Божиќниот пост во 2025 година почнува на 28 ноември и трае до 6 јануари, претставувајќи една од најубавите и најзначајните духовни подготовки за празникот на Христовото раѓање.
Духовниот смисол на Божиќниот пост
Божиќниот пост не е само воздржување од одредена храна – тоа е време на промена, внатрешен мир и преиспитување.
Постот учи на скромност, благодарност и сочувство.
Се верува дека оној кој со искрена вера пости, полесно ја наоѓа силата да простува, да се смири и да донесува добри одлуки.
Светителите често потсетуваат дека пост без молитва и добри дела не е вистински пост, туку само диета. Затоа во овој период се препорачуваат и исповед, помирување со ближните и помагање на оние кои имаат потреба.
Кога почнува и колку трае
Божиќниот пост почнува на 28 ноември и трае до 6 јануари, вкупно 40 дена. Поради должината и значењето, овој пост се нарекува и Четрдесетница и е втор по важност веднаш по Велигденскиот пост.
Што се јаде за време на Божиќниот пост
Вериците се воздржуваат од месо, млечни производи и јајца.
Риба, вино и масло се дозволени во одредени денови – најчесто во викендите и празниците кои паѓаат во текот на постот (на пример, Николден – 19 декември).
Петовите се постат построго, без масло, а во сабота и недела постот е полесоет.
Се препорачува исхрана богата со зеленчук, овошје, житарки, мешунки и ореви, како и едноставни посни јадења.
Како духовно да се подготвите
Божиќниот пост е време кога верниците треба да се посветат на себе, своето семејство и на заедницата.
Молитви, присуство на литургија, читање духовна литература и правење добри дела се само дел од начините на кои се духовно подготвуваме за празникот.
Црквата учи дека постот не се мери само со она што го внесуваме во телото, туку и со она што од него излегува – зборови, мисли и дела.
Зошто постот е важен пред Божиќ
Постот пред Божиќ симболизира патување на душата кон светлината, подготвеност нешто ново да се роди – чисто, благородно и полно со љубов.
Верниците веруваат дека преку постот телото се ослободува од вишокот, а душата од немир и негативни емоции, подготвувајќи се да го дочекаат најрадосниот ден во годината – денот на Христовото раѓање.
Божиќниот пост не е товар, туку подарок – време да застанеме, да заблагодариме и да најдеме мир во себе и во оние кои ги сакаме.
Текст: Убавина и здравје
