Опасност на ул.Пролет во Центар на раскрсницата кај Феријален Дом, алармира скопјанец.
Тој сподели фотографии во фејсбук групата „Стари скопјани“ на кои се гледа дека има голема дупка среде улицата.
– Веќе подолг период има голема ударна дупка и извадени бекатон коцки кои се расфрални наоколу и е голема опасност некое возило да ги отфрли кон пешаците и останати учесници во сообраќајот. Овој проблем е веќе децениски уште откако се направија оваа и подолу раскрсницата кај ОУ 11-ти Октомври со вакви коцки, предупредува овој граѓанин.
Според него, најдобро би било да се извадат целосно коцките и да се асфалтира овој потег бидејќи, како што вели, досега многупати е санирано, но за жал безуспешно и повторно е опасно.
