Речиси половина од албанските граѓани сметаат дека феноменот што ја поткопува националната безбедност е корупцијата и организираниот криминал.
– Податоците од анкетата „Барометар за безбедност“ покажуваат дека 47 отсто од граѓаните ја сметаат корупцијата за најголема закана, додека 21 отсто ја наведуваат како втора најголема закана. Овој резултат ја одразува континуираната загриженост за влијанието на корупцијата врз јавните институции и економскиот развој на земјата, објавија албанските медиуми.
На второ место е организираниот криминал, при што 19 отсто од испитаниците го сметаат за главен ризик. Тоа ја покажува широко распространетата перцепција за присуството на криминални групи и нивното влијание врз општествениот и економскиот живот.
На трето место, со 13 отсто е ризикот од војна со други земји, што укажува на зголемена чувствителност на геополитичка нестабилност во регионот.
Според рангирањето, сајбер криминалот е на четвртото место (6%), што го одразува зголемувањето на дигиталните напади и несигурноста во онлајн просторот.
Пандемиите се на петтото место, што укажува дека искуството со COVID-19 сè уште влијае на перцепциите за јавна безбедност.
