Премиерот и претседател на ВМРО-ДПМНЕ, Христијан Мицкоски, преку објава на социјалните мрежи им честиташе 35 години од формирањето на Општинскиот комитет на партијата во Куманово.
„35 години обединети, со јасни цели и сплотени. Куманово – градот на хероите, на достоинството и на силниот дух. Општински комитет што отсекогаш знаел да ги чува своите корени, да ја цени жртвата на борците и да чекори со гордост кон иднината,“ напиша Мицкоски.
Тој порача дека љубовта кон татковината и вербата во иднината се водилка на нивната работа, додавајќи дека ВМРО-ДПМНЕ ќе продолжи „посилна од кога било“ во својата мисија за развој и обединување на државата.
Јубилејот на Општинскиот комитет Куманово се одбележува како потсетник на долгогодишната традиција и партиска истрајност, но и како симбол на единството и континуитетот на ВМРО-ДПМНЕ во еден од најважните градови за македонската историја.
