Израелските одбранбени сили (ИДФ) соопштија дека почнале подготовки за делумно повлекување на трупите од Појасот Газа, како дел од договорот за заложници и прекин на огнот со Хамас.
Во соопштение на војската се наведува дека „според директивите на политичкото раководство и во согласност со проценката на ситуацијата, ИДФ почна оперативни подготовки за спроведување на договорот“.
Како дел од подготовките, армијата изјави дека се подготвува за преместување на трупите на „соодветни линии на распоредување во блиска иднина“.
– ИДФ продолжува да биде распоредена во областа и се подготвува за секој можен оперативен развој, додава војската.
