Јавното обвинителство на Република Северна Македонија и Транспаренси Интернешнл-Македонија потпишаа Меморандум за соработка со цел зајакнување на соработката од областа на борбата против корупцијата и организираниот криминал.
Документот има за цел за овозможи заедничко дејствување во насока на зголемена ефикасност на борбата против корупцијата и организираниот криминал, како и взаемна размена на податоци, искуства и експертиза.
Со Меморандумот е предвидена и соработка при подготовката на документи за креирање на политики од областа на корупцијата, владеење на правото и заштитеното пријавување, како и учество за спроведување на заеднички проекти од областа на борбата против корупцијата.
Во рамките на активностите, Транспаренси Интернешенл-Македонија ќе изврши независна длабинска анализа на предизвиците со кои се соочува обвинителството во смисла на недостаток на капацитети, но и негативните последици од измените на Кривичниот законик во однос на кривичните дела од областа на корупцијата.
Меморандумот го потпишаа Јавниот обвинител на Република Северна Македонија Љупчо Коцевски и претседателот на Транспаренси Интернешнл-Македонија Благоја Пандовски.
