Четири лица се повредени во пожарот што вчера избувна во објект за рециклирање на електронски отпад во Трубарево, информираше денеска владината портпаролка Марија Митева на заедничката прес-конференција со вицепремиерот Изет Меџити и директорот на Дирекцијата за заштита и спасување, Стојанче Ангелов.
„Требаше на оваа прес-конференција да биде присутен и министерот за здравство, но тој е во посета на четворицата повредени од вчерашниот пожар. Изјава ќе даде во 13 часот од Клиниката за токсикологија“, рече Митева.
Според неа, две лица се хоспитализирани, а две биле згрижени амбулантно. Првичните информации укажуваат дека повредите се најверојатно од вдишување чад.
Повеќе детали се очекуваат на прес-конференцијата на министерот за здравство Азир Алиу во 13 часот.
