Службата за односи со јавност на Владата денеска информира дека утре, 07 септември 2025 година (недела), премиерот Христијан Мицкоски ќе пушти во употреба уште еден дел од автопатот Кичево – Охрид, чија изградба трае повеќе од една деценија.
Настанот е закажан за 11:00 часот, а ќе се одвива кај клучката во близина на охридскиот аеродром. Од Владата не се соопштуваат дополнителни детали.
Инаку, во јули годинава беа пуштени во употреба првите 20 километри од автопатот, на потегот од Врбјани до Ботун. Покрај тоа, премиерот и владините претставници во повеќе наврати извршија увид на градежните активности.
