Пожарот кој вчера изби на територијата на Општина Желино во атарот на селото Церово, а подоцна во вечерните часови се прошири во насока на месноста Карпалак покрај автопатот Скопје – Тетово, е целосно изгаснат, изјави утрово Стојанче Ангелов, директорот на Дирекцијата за заштита и спасување.
Пожарот го изгаснаа пожарникарите од Тетово и од Скопје. Ангелов во изјавата изрази голема благодарност до тетовските и скопските пожарникари кои во ноќни услови успеаја да го изгаснат овој голем пожар кој во делови се одвиваше на тешко пристапен терен.
Во текот на вчерашниот ден целосно се изгаснати 29 пожари на отворен простор. Во овој момент четирите активни пожари на отворен простор се под целосна или делумна контрола, изнформираат од ДЗС.
