Американските власти објавија дека воведуваат нови санкции против француски и канадски судии, како и против двајца обвинители, во Меѓународниот кривичен суд (МКС), кој стана цел на администрацијата на Трамп.
Мерката доаѓа покрај санкциите објавени на почетокот на јуни насочени кон уште четири судии на МКС, додека во февруари, САД го санкционираа обвинителот на МКС, Карим Кан.
„Денеска објавувам санкции против Кимберли Прост од Канада, Николас Гилу од Франција, Наџат Шамим Кан од Фиџи и Мама Мандијаја Нианг од Сенегал“ за „директно учество во напорите на МКС за истрага, апсење, притворање или гонење граѓани на САД или Израел, без согласност на која било земја“, рече американскиот државен секретар Марко Рубио.
Според него, САД јасно и цврсто го изразија своето противење на политизацијата на МКС.
Рубио додаде дека МКС со седиште во Хаг претставува „закана за националната безбедност и се користи како инструмент за правна војна против САД и нивниот близок сојузник Израел.
