Граѓаните на Скопје утре ќе бидат сведоци на свечена артилериска стрелба што ќе се изврши по повод одбележувањето на Денот на Армијата – 18 август.
На 17 август 2025 година (недела), со почеток во 19:00 часот, во касарната „Илинден“ во Скопје, единица од артилерискиот баталјон на Армијата ќе изврши почесна стрелба со истрелување на десет плотуни од шест артилериски орудија.
Како дел од протоколарните активности за одбележување на празникот, истиот ден во 18:00 часот ќе биде изведена и пробна артилериска стрелба со еден плотун.
Армијата апелира граѓаните да бидат информирани за активностите и да немаат загриженост од најавената стрелба.
