Милан Кораќ е именуван за нов извршен директор за воздухопловна техника во државната компанија М-НАВ АД Скопје, која управува со воздушниот сообраќај и навигациските услуги во Република Северна Македонија.
Тој доаѓа на позицијата на местото на Климент Чепуњоски, кој е избришан од Централниот регистар како овластено лице и член на Управниот одбор. Според податоците од регистарот, Кораќ е дипломиран инженер по електротехника.
Одлуката за разрешување на Чепуњоски и именување на Кораќ стапува на сила од 1 август 2025 година.
Во деловниот регистар е наведено дека М-НАВ АД Скопје располага со основна главнина составена од 1.552.034 обични акции со номинална вредност од 1.000 денари по акција, што вкупно изнесува над 25 милиони евра.
