Само неколку часа откако претпладнево беше стабилизиран последниот активен пожар кај Долнени, попладнето донесе нова серија огнени жаришта во повеќе региони на земјата. Според заменик-директорот на ЈП „Национални шуми“, Кире Михаилов, ситуацијата на теренот повторно е критична, а интервенираат копнени тимови и воздушни единици.
„Дефинитивно има граѓани што не ѝ мислат добро на државата; друго објаснување немам,“ напиша Михаилов на својот фејсбук-профил, апелирајќи за одговорност и внимателно однесување во шумските подрачја.
Пожари има кај Ваксинце, општина Липково, кај Богомила и во населените места Милетино и Церово.
