Украинскиот претседател Володимир Зеленски потврди дека секретарот на Советот за национална безбедност и одбрана, Рустем Умеров, и предложил на руската страна нова средба меѓу претставници на Москва и Киев да се одржи во Турција.
„Нашите претставници подготвуваат барем уште една размена со Русија, а Рустем Умеров ѝ предложил на руската страна нова средба да се одржи во Турција. Дневниот ред на состанокот е јасен: враќање на затворениците, враќање на децата киднапирани од Русија и подготовка на средбата меѓу двајцата лидери“, рече Зеленски.
Тој ги замоли украинските дипломати да ја информираат земјата домаќин за потребата од посебен пристап кон преговорите, посебна агенда и обезбедување неопходна политичка поддршка за Украина.
Портпаролот на Кремљ, Дмитриј Песков, претходно изјави дека руските и украинските нацрти на меморандумот за решавање на конфликтот се дијаметрално спротивни и затоа претстои многу дипломатска работа. Тој посочи дека Москва е отворена за одржување на третата рунда преговори со Украина, но дека засега нема конкретен датум и дека нема да има промени во составот на преговарачката група на Москва.
