Директорот на Дирекцијата за заштита и спасување, Стојанче Ангелов, попладнево информира дека автопатот Скопје – Тетово е целосно затворен за сообраќај во двата правци.
Во близина на автопатот, во општина Желино во моментов има силен пожар, а до граѓаните се апелира да не го користат овој патен правец.
За дополнителни информации, се препорачува следење на соопштенијата од надлежните служби.
