Соопштение за јавност на СДСМ:
Владата повторно се обидува да ги манипулира граѓаните со лажни триумфи за економијата. Последниот обид за самофалба со извозот во мај 2025 година е уште еден пример за нечесно и селективно прикажување на реалноста.
Растот од 23,44% е само изолиран податок од еден месец и не значи дека извозот расте. Вистината е сосема поинаква:
Во последните 12 месеци (јуни 2024 – мај 2025), вкупниот извоз е намален за 1,6% во споредба со претходниот 12-месечен период. Вкупниот извоз за последните 12 месеци изнесува 7,88 милијарди евра, додека претходно беше 8,01 милијарди евра.
Овие факти покажуваат дека нема тренд на раст на извозот, туку напротив – економијата стагнира, а во одредени периоди дури и бележи пад.
Владата манипулира со граѓаните и ги користи месечните варијации за да создаде илузија на успех. Реалноста е дека извозот тапка во место и тоа е резултат на лошите економски политики и недостигот од визија. Ако ги гледаме сите други економски индикатори, како падто на квалитетот на животот за 20%, платите кои стагнираат и цените кои растат, јасно е дека граѓаните не чуствуваат никаква придобивка од економските политики на Владата.
Оваа Влада освен манипулации ништо друго нема покажано, но граѓаните тоа го знаат и чуствуаат. Никој не може да ги излаже за тоа како живеат, колку е намален семејниот буџет и колку секојдневно потешко се врзува крај со крај. Лагите на ДПМНЕ нема да поминат кај граѓаните.
