Членови на Независниот синдикат на полицијата денеска излегоа на протест, барајќи почитување на Законот за минимална плата и доследно спроведување на судските постапки во рамки на законските рокови.
„Основната плата на полицијата не може да биде под минималната плата во државата. Бараме воедначување на судската пракса на Апелациониот суд – Скопје со апелационите судови во Битола и Гостивар, кои веќе го признаваат нашето барање“, истакнаа од Независниот синдикат на полицијата, организатор на протестот.
Од синдикатот порачаа дека не прифаќаат да бидат третирани како службеници од втор ред и најавија дека ќе продолжат со активности сѐ додека не бидат исполнети нивните законски и правични барања.
