Утрински Весник
Свет

Во Германија се распоредуваат полицајци по вооружениот напад во Хесен

20250420105755 big 730x400 73.webp.webp

Голем контингент полицајци денеска беше распореден низ Германија во потрага по еден или повеќе осомничени во бегство, откако двајца мажи беа убиени вчера во централниот дел на земјата, соопштија полицијата и медиумите.

Двајца мажи кои беа пронајдени мртви вчера доцна попладне во областа Хесен пред една резиденција, имале прострелни рани, соопшти полицијата.


Се распоредува „голем контингент сили“, вклучително и униформирана полиција, полиција во цивилна облека, специјални сили и хеликоптер за пронаоѓање на убијците.

„Според досегашните сознанија, нема опасност за жителите“, изјавија од полицијата, кои не ги прецизираа околностите на нападот и мотивите на сторителите.

Полицијата и обвинителството отворија истрага.

Можете да прочитате

Израелски министер предложи целосна окупација на Газа

Папата Франциск ја нарече „драматична и жална“ ситуацијата во Газа

Добитник освоил џекпот од 112 милиони долари на лотарија во САД