Папата Франциск, кој се опоравува од долгиот престој во болница каде што се лекуваше од двојна пневмонија, им приреди изненадување на 20.000 верници на плоштадот Свети Петар во Рим денеска со тоа што се појави во инвалидска количка на крајот од мисата за болните.
-Прекрасна недела на сите. Ви благодарам, рече Франциск.
Мисата за болните беше дел од јубилејната 2025 година. Мисата ја водеше архиепископот Рино Физикела. За време на богослужбата беше прочитана проповед од папата.
Франциск беше отпуштен од болницата Гемели пред две недели по престој од 38 дена.
Ватикан во петокот извести дека неговото здравје се подобрува
