Арбен Таравари, министер за здравство и дел од Коалицијата Вреди, синоќа во изјава за медиумите негираше дека ќе ја напушти владината коалиција.
-Не, засега не. Работните групи меѓу пратениците се уште водат преговори, така што се надеваме дека ќе најдеме заеднички јазик. Ако не, тогаш ќе видиме како понатаму, рече синоќа Таравари во изјава за медиумите на албански јазик.
Пратеничката група на ВРЕДИ работи на начинот за евентуална соработка за локалните избори. Оттаму велат дека имале средба на која разговарале за настапот на локалните избори, дека рамката се усогласува и оти за кратко време ќе имаат верзија која ќе им биде позната на лидерите од коалицијата.
Таравари деновиве во јавноста изнесе тврдење дека има несогласувања во Коалицијата Вреди во врска со настапот на локалните избори.
