Министерството за надворешни работи ја извести јавноста дека денеска при ракетниот напад е погодена и критичната инфраструктура во Голосеевскиот реон, вклучително и зградата каде што се сместени шест амбасади, меѓу кои и Амбасадата на Република Северна Македонија во Киев.
– При нападот нема повредени меѓу дипломатскиот персонал, но е причинета материјална штета на Амбасадата. Од страна на надлежните служби извршен е првичен преглед на штетите на лице место и веќе се работи на нивно санирање, се наведува во соопштението од Министерството за надворешни работи и надворешна трговија.
24 Инфо дојде до ексклузивни снимки од Киев во кои се гледа каква е ситуацијата со амбасадата по ракетниот напад. Имено по нападот се гледа искршено стакло по улиците и голема материјална штета.
Инаку зградата на украинската разузнавачка служба се наоѓа во непосредна близина на македонската амбасада па се претпоставува дека токму таа била цел на напад.
