Утрински Весник
Свет

НАСА го одложи враќањето на астронаутите од МВС до крајот на март

Nasa.jpg

НАСА соопшти дека враќањето на астронаутите Сани Вилијамс и Буч Вилмор од Меѓународната вселенска станица ќе биде одложено до крајот на март, со што нивната мисија, која првично требаше да трае само осум дена, е продолжена на повеќе од девет месеци.

НАСА потврди дека Вилијамс и Вилмор, заедно со астронаутот Ник Хејг и рускиот космонаут Александар Горбунов, ќе се вратат на Земјата по мисијата „Кру-10“, која сега е планирана за крајот на март.


Мисијата првично беше закажана за февруари, а НАСА објасни дека е одложена за да имаат доволно време тимовите да ги завршат подготовките за новата капсула „Драгон“ што ќе се користи во мисијата.

Астронаутите пристигнаа во Меѓународната вселенска станица овој јуни, а нивното враќање беше одложено за февруари, откако капсулата „Боинг Старлајнер“ со која дојдоа не успеа да се врати на Земјата.

Можете да прочитате

Аргентина излезе од рецесија – 24info.mk

Германија и покрај многуте проблеми сѐ уште е најбогатата земја во Европа

Екс францускиот претседател Саркози осуден на една година затвор поради корупција