Утрински Весник
Македонија

Директорката ја уништува болницата: Медицинскиот персонал во детската болница Козле се обрати со писмо до Мицкоски и Таравари

Img 9323.jpeg

Медицинскиот персонал на детската болница „Козле“ со отворено писмо се обрати до премиерот Христијан Мицкоски и министерот за здравство Арбен Таравари, изразувајќи загриженост за состојбите во болницата под раководството на директорката Каролина Симоновска, пренесува ТВ21.

Во писмото, персоналот обвинува дека директорката ја уништува болницата, посочувајќи на деградацијата на кабинетот за бронхоскопија. Според нив, од назначувањето на Симоновска, бројот на изведени бронхоскопии драстично се намалил – од 67 во текот на 2023 година и 40 во првата половина од 2024 година, на само 3 по нејзиното доаѓање.


„Со ова раководство, директорката постигна уништување на дејноста која успешно функционираше повеќе од 50 години“, се наведува во писмото. Персоналот исто така алармира за бројни оставки и отпуштања на стручен кадар, што дополнително ја загрозува работата на болницата.

Писмото беше доставено до ТВ21, која ги објави клучните наоди и апелот на персоналот до надлежните да преземат мерки.

Можете да прочитате

Давкова ги додели признанијата „Македонски квалитет” за 2024 година

Мицкоски од Брисел: Нашето место е тука да бидеме рамноправна и полноправна членка на Европската Унија

Камерите на ГП Блаце биле со празни батерии кога Груби ја минувал границата со Косово