Недела дена тече вода на улицата „Никола Парапунов“ во Карпош 4. Возилата поминуваат низ импровизиран базен, објави Телма.
Од Водовод велат дека ова е доста сериозен проблем кој се случува еднаш во половина век.
Дефектот всушност е затворач кој е врзан за главниот цевковод од каде со вода се снабдуваат две третини од жителите на главниот град.
Надлежните велат дека кога ќе се санира овој дефект скопјани ќе останат без вода подолго време, а според нив сериозен проблем е тоа што и болниците ќе останат без вода и практично ќе биде невозможно да се изведуваат оперативни зафати.
Одговорните со денови бараат решение, велат дека техничките оперативните планови се подготвени, но потребно е да ги договорат и деталите.
За тоа што ќе се случува и која од можните варијанти ќе се одбере граѓаните ќе бидат информирани во текот на денешниот ден или најдоцна за време на викенд.
