Единаесет деца се повредени и се примени во градската болница во Скопје по новиот предизвик на социјалната мрежа „Тик ток“, а двајца од нив се со скршеници на рацете, потврди за МИА в. д. директор на Клиниката за хируршки болести „Св. Наум Охридски“, д-р Небојша Настов.
Неофицијално тој број е и поголем поради тоа што дел од малолетниците се пријавуваат во приватните болници, дознава 24инфо.мк.
Предизвикот кој кружи меѓу малолетниците е следен- група деца се снимаат како скокаат напред имитирајќи го Супермен, врз испружените раце на нивни врсници, кои потоа треба да се одбијат од рацете и да застанат на подот на исправени на нозе.
Но често пат „Суперменот“ не го фаќаат оние кои го исфрлаат и тој завршува на земја, често пати со тешки скршеници.
Дека оваа игра/предизвик е „тренд“ потврдува и фактот оти со фрактури и повреди се здобиваат и деца во земјите во регионот. Низ повеќе држави во светот досега повеќе пати интервенирале медицински тимови.
