Независниот ултрадесничарски кандидат на претседателските избори во Романија, Калин Георгеску, води со 22,84 отсто од гласовите, додека актуелниот премиер и претседателски кандидат на Социјалдемократската партија, Марсел Чолаку, освои 19,24 отсто, според резултатите добиени по пребројани 99,5 отсто од гласовите.
Медиумите претходно објавија, по преброени 80 отсто од гласовите, дека и двајцата кандидати постигнале изедначен резултат на изборите одржани во неделата – со по 22,1 отсто од гласовите.
На претседателските избори во Романија учествуваа 14 кандидати за функцијата шеф на државата.
